Është një grup i cili i përket krijimtarisë së autorit të fillimit të viteve 80, kryesisht mes ‘80 dhe ‘83. Bëhet fjalë për një periudhe kur Delija ka kaluar në teknikën e temperas. Është detyruar të braktisë teknikën e vajit për shkak të problemeve shëndetësore, kjo për shkak të alergjisë që kishte me tempertinën, që është një komponent i kësaj teknike.

Nga pikëpamja tematike ky grup pikturash mund të ndahet në 2 grupe krysore ku, i pari është tematika religjoze dhe i dyti është tematika e persekutimin në Shqipërine e atyre viteve.

Përsa i përket grupit të parë, të tematikës fetare, është një linjë prezente në mënyre konstante në krijimtarine e autorit. Ka një qëndrueshmeri në këtë drejtim.

Përsa i përket grupit të dytë, të persekutimit, ne shohim një artist të angazhuar nga pikëpamja politike. Debate për angazhim në politikë është një debat i cili është prezent në gjithë historinë e artit. Sigurisht që ky debat ka pasur luhatjet e veta gjatë historisë. Përgjithësisht, sot ekziston një opinion pozitiv në favor të angazhimit të artistit Delija, sidomos në aspektin social, e në këtë prizem ne shohim një autor i cili është aktiv dhe i angazhuar edhe në pikëpamjen politike.

Përsa i përket stilistikës së veprave të tij, mund të themi në mënyrë të përmbledhur që ka një influencë të figuracionit modernist të fillim shekullit XX. Sigurisht që këto rryma patën zhvillimin e tyre edhe në Italinë e para luftës. Duhet të kemi parasysh që pedagogët e Delisë në Akadaminë e Romës, ishin vetë pjesë e zhvillimeve të këtyre rrymave moderniste në vitet ‘20 dhe ’30 në Itali. Pastaj përtëj ndikimeve dhe formomit që Lini ka marrë nga shkolla italiane është gjithmonë individualiteti i tij në trajtimin e penelatës, në trajtimin e atyrë që quhen njolla në pikturë, që është shpërndarja e ngjyrave dhe toneve. Është kjo vulë identintare e tija, e cila i jep karakteristikën unike vepreës së tij dhe është pjesë e rendësishme i suksesit që ai ka si artist.